Tarea👃 E curpa humano – Sintidonan: Bo nanishi – Supernanishi den accion! (Resumen)
Bo nanishi ta mucho mas cu solamente algo den mei di bo cara.
E ta un detector inteligente di holor cu ta yuda bo hole y smaak!
🌸 Con bo nanishi ta traha?
Cada biaha cu bo hala rosea pa bo nanishi, holornan di tur cos rond di bo ta drenta. Pensa riba:
- E holor di flornan fresco 🌷
- Pizza cu ta sali for di forno 🍕
- Of hasta e holor di yobida riba asfalt 🌧️
Paden di bo nanishi tin pelonan chikito y un capa humedo.
Nan ta yuda pa para stof y sushi y pa captura holornan.
🧠 Holor + celebro = reconoce!
Paden di bo nanishi tin celnan special cu por sinti holor. Nan yama receptornan di holor.
Nan ta manda rapidamente un mensaje pa bo celebro.
Bo celebro ta reconoce e holor y ta bisa:
“Ah! Esaki ta hole manera… koekinan di chocolate!” 🍪
Of: “Iuww… esaki ta un mea cu ta hole malo!” 🧦
🐶 Animalnan cu supernanishi
Bo tabata sa cu algun animal por hole mucho mihor cu nos?
Por ehempel, un cacho por hole holornan cu ta mil biaha mas debil cu loke hende por hole! 😮
Pesey cachonan ta masha bon pa busca hende of haya cosnan peligroso.
⚠️ Bo nanishi ta spierta bo pa peligro
Bo nanishi tambe ta yuda bo pa keda sigur.
Bo ta hole algo malo of algo cu no ta bon mas? Bo celebro ta bisa: “Keda leu di dje!”
Esaki ta un señal di bo curpa pa spierta bo, pa proteha bo contra algo cu por ta malo pa bo.
💡 Bo tabata sa cu…
Holor y smaak ta traha hunto?
Purba come algo mientras bo ta tene bo nanishi sera… e smaak ta mucho menos fuerte!
Y ora bo ta verkoud y bo nanishi ta tapa, bo tambe ta smaak menos bon?