Tarea 🧠Bo selebro: un centro di control masha poderoso! (Resúmen)
Bo tabata sa cu bo serebro ta solamente 2% di peso di bo curpa, pero e ta uza casi 20% di tur bo energia?
Pesey, siña y pensa ta costa hopi energia!
💤 Bo serebro ta traha hasta ora bo ta drumi
Hasta ora bo ta drumi, bo serebro ta sigui traha.
E ta ordena tur loke bo a siña durante dia.
E ta yuda kita substancianan cu bo serebro no tin mester mas.
Asina bo por corda cosnan mihor.
Drumi bon ta yuda bo memoria!
🧩 Siña cosnan nobo
Cada biaha cu bo siña algo nobo, bo serebro ta cambia un tiki.
Por ehempel, ora bo siña un som di matematica, un cantica of un movecion nobo den deporte.
Bo serebro ta forma conexionnan nobo entre su celnan.
Esaki yama neuroplasticidad.
Bo serebro por sigui siña y cambia durante henter bo bida!
âš¡ Mensahenan masha lihe
Bo serebro ta manda mensahe via bo nervionan pa diferente parti di bo curpa.
Algun señal por biaha cu un velocidad di mas di 400 kilometer pa ora!
Por ehempel, ora bo mishi cu algo masha cayente, bo ta hala bo man bek mesora.
Esaki ta pasa gracias na bo nervionan y bo medula spinal.
Despues, bo serebro ta ricibi e informacion.
👀👂👃👅✋ Bo cinco sintirnan
Bo cinco sintirnan ta yuda bo conoce e mundo rond di bo.
Cu nan bo por mira, scucha, hole, smaak y sinti.
Bo serebro ta ricibi y ordena tur e informacion aki.
E ta yuda controla bo respiracion, e batimento di bo curason y bo emocionnan.
Hopi di e cosnan aki ta pasa sin cu bo mes ta pensa riba nan!
🧠E parti robes y e parti drechi ta traha hunto
Bo serebro tin dos mitad.
- E mitad robes ta yuda bo cu idioma, matematica y pensamento logico.
- E mitad drechi ta yuda bo cu musica, creatividad y compronde caminda cosnan ta den espacio.
Pero tur dos mitad ta yuda cu hopi tarea diferente.
Nan ta traha hunto tur ora.
Ta un tremendo trabou di equipo den bo cabes!