Tarea 🌊🏝️🐠 Laman Caribe (Resúmen)
🌊 E Rif di Coral Mesoamericano: Un mundo mágico bou di awa
Imagina cu bo ta sambuya entre piscanan di tur color!
Den Laman Caribe tin un rif di coral masha grandi. E yama Rif di Coral Mesoamericano. E ta extende desde Mexico (Yucatán) te na Honduras.
Un rif di coral ta un lugar den laman caminda hopi coral y animal di laman ta biba.
Aki bo por mira pisca loro, pisca leon y turtuganan di laman cu ta landa trankil entre e coralnan.
Ta parce un ciudad bou di awa, yen di animalnan!
🛡️ E rif ta proteha e costa
Bo tabata sa cu e rif ta traha manera un superhéroe?
E coralnan ta yuda pa para olanan grandi ora tin tormenta.
Asina nan ta yuda tene e beachnan y casnan cerca di laman sigur.
🤿 Sambuya y wak pisca
Hopi hende di henter mundo ta bin aki pa snorkel y sambuya.
Nan por landa y mira piscanan di tur color.
Ta manera bo ta landa den un aquarium gigante!
Pero nos mester cuida e rif, pasobra e ta delicado. Esaki ta nifica cu e por kibra facilmente.
🐟 E pisca leon
E pisca leon ta un pisca bunita cu strepi y alanan largo.
Pero tene cuidou! E tin sumpiñanan cu veneno. No mishi cu ne.
E pisca aki ta bini originalmente di Oceano Pacifico. E a yega den Caribe pa accidente.
Den Caribe e tin poco enemigo natural. Esaki ta nifica cu tin poco animal cu ta come e pisca aki.
E pisca leon ta come hopi pisca chikito. Tin biaha e por come hasta 30 pisca den mei ora! 😲
Pesey algun hende ta purba cohe e pisca y come.
🌪️ Horcannan den Caribe
Den Caribe tin horcannan. Esakinan ta tormentanan cu hopi bientu y yobida.
Horcannan ta forma riba awa cayente di laman.
Nan por ta masha fuerte y causa hopi daño.
Cada horcan ta haya un nomber. Asina hende sa cua tormenta ta acercando.
Nan ta traha casnan mas fuerte pa proteha nan contra bientu.
Ora tin hopi peligro, hende mester evacua. Esaki ta nifica sali for di cas y bay un lugar sigur.
Seguridad ta e cos mas importante!
☠️ Piratanan y tesoronan
Hopi aña pasa, tabatin hopi pirata den Caribe.
E piratanan tabata busca tesoronan y horta cos for di otro barconan.
Tin biaha nan tabata haya oro, plata, hoya, cuminda y rom.
E piratanan tabatin reglanan riba nan barconan. Esaki tabata yama e ‘codigo di pirata’.
Nan mester a parti cos cu otro, scucha e capitan y no bringa riba barco.
Despues, diferente pais a manda barconan pa cohe e piratanan.
Cu tempo, tabatin cada bes menos pirata den Caribe.
Pero ainda awe nos conoce hopi storia emocionante di piratanan! 🏴☠️