Tarea 🇵🇪 Peru (Conocemento di Naturalesa) (Resúmen)
🌴 Un lugar berde den desierto
Den medio di e desierto seco y cayente di Peru tin un lugar masha special: e oasis di Huacachina.
E lugar bunita aki ta rondona cu seronan grandi di santo. Algun di nan ta te 200 meter halto!
Huacachina ta un oasis natural. Esaki ta un lugar cu awa y matanan berde den medio di hopi santo.
Ta parce un paraiso chikito den desierto!
🌺 E leyenda di e princesa cu tabata yora
Tin un leyenda antiguo tocante con Huacachina a forma.
Segun e leyenda, un princesa Inca bunita tabata baña den un lago chikito.
Diripiente, un casadó a mir’e.
E princesa a spanta y a sali core.
Mientras e tabata core, un saco cu awa a cai for di su man.
E leyenda ta conta cu e lago a forma di su lagrimanan.
Asina e oasis magico di Huacachina a nace!
🏂 Un lugar pa aventureronan
Awendia, Huacachina ta un lugar masha popular entre turistanan.
Aya bo por practica sandboard.
Esaki ta parce snowboard, pero en bes di slip riba sneeuw, bo ta slip riba santo!
Bo por subi den un dune buggy tambe. Esaki ta un auto special pa core riba seronan di santo.
Ta un aventura emocionante den medio di desierto!
⛰️ Un sero yen di color
Na Peru tin un sero masha special cu yama Vinicunca. Nan ta yam’e tambe Sero di Arco Iris. 🎨
E sero tin strepi di hopi color: ❤️ cora, 💛 geel, 💚 berde, 💙 blauw y 🤍 blanco.
E colornan aki ta bin di diferente mineralnan cu tin den e piedranan.
Durante miyones di aña, e piedranan a forma y movecionnan di tera a hisa nan.
Cu tempo, bientu y yobida a haci e capanan di color bira visibel.
Pesey e sero ta parce un arco iris! 🌈
🏔️ Masha halto den Andes
Vinicunca ta den e Andes di Peru, na mas o menos 5.200 meter riba nivel di lama. ⬆️
Esaki ta mas halto cu hopi sero na Europa!
Camna te aya ta dificil, pasobra tin menos oxígeno den aire.
Pero e bista ta masha bunita.
Ta parce un arco iris di piedra entre e seronan! 🌈
🔍 Un maravilla cu a bira famoso
E hendenan cu ta biba cerca di Vinicunca ta conoce e sero aki desde hopi aña pasa. 👣
Pero rond di 2015, e sero a cuminsa bira famoso entre turistanan. 🧳
Desde e tempo ey, hopi hende ta biaha pa Peru pa mir’e.
Tur aña, miles di bishitante ta yega pa admira su colornan y saca potret. 👀📸